ԿԱՐԵՎՈՐ ՏԵՂԵԿՈՒԹՅՈՒՆՆԵՐ

ՏՏ ԱՎԱԳ ՍԵՐՈՒՆԴԸ ՀԱՎԱՏՈՒՄ Է ԵՐԻՏԱՍԱՐԴՆԵՐԻՆ.
«Դուք կարող եք գտնել աշխարհում լավագույն լուծումները »

X-TECH և BestBuy ընկերությունների նախաձեռնությամբ ստեղծված IT CLUB-ն օգոստոսի 21-ին և 22-ին Գրողների միության Ծաղկաձորի հանգստյան տանը կազմակերպել էր հերթական արդեն 20-րդ հանդիպումը` IT Club Meeting-ը, որին մասնակցեց ոլորտի նորաստեղծ ընկերությունների և ասոցիացիաների ավելի քան 60 ներկայացուցիչ: Միջոցառումը կայացավ ԱՄՆ ՄԶԳ CAPS ծրագրի աջակցությամբ, որն իրականացնում է Նաթան Ասոշիէյթս Ինք. ընկերությունը:

ՏՏ ոլորտում տարեցտարի ավելանում են ձեռնարկությունները: 2008 թվականին Հայաստանում գործում էր 200 ընկերություն, վերջին 2 տարվա ընթացքում այդ թիվը աճել է 60-ով, սակայն աճի այս միտումը ոլորտի առաջատար մասնագետները համարում են անբավարար, քանի որ նպատակ է դրված 2018 թվականին արդեն այս ոլոր-տում ունենալ 1000 ընկերություն:

«Այդպիսի արդյունքի հասնելու համար պետք է ոլորտի երիտասարդների համար ճանապարհ հարթել և օգնել նոր ընկերություններ բացելու գործում, որպեսզի յուրաքանչյուր երիտասարդ հավատա իր ուժերին, հասկանա, որ կարող է ինչ-որ գործունեություն ծավալել և տեսնի, որ կան իր տարիքի երիտասարդներ, ովքեր սկսել և հաջողել են». ասաց CAPS ծրագրի ՏՏ կլաստերը համակարգող Արմեն Աբրահամյանը:

Ինֆորմացիոն տեխնոլոգիաների ձեռնարկությունների միության նախագահ Կարեն Վարդանյանը IT CLUB-ի անդամների հայացքն ուղղեց ապագային: - «Ընդամենը 8 տարի անց ՏՏ ոլորտի 1000 ձեռնարկություն ունենալու համար մենք պետք է տարեկան ոչ թե 20-25, այլ 250-300 նոր ձեռնարկություն ստեղծենք, դրա համար այսօր արդեն պետք է սկսվի  start up բում, նոր ընկերությունների շարժում: Մեր նպատակն է Հայաստանը տեսնել որպես բարձր տեխնոլոգիական երկիր, իսկ այդպիսի երկիր կարող ենք ունենալ, եթե լինի երիտասարդ տեխնոլոգիական ձեռներեցների նպատակային շարժում` հավակնոտ ծրագրեր ունեցող, մեծ և բարձր մտածող մասնագետներով, ովքեր ձգտում են այս կամ այն բնագավառի համար առաջարկել աշխարհում լավագույն լուծումները»:

Կարեն Վարդանյանն ասաց, որ հավատում է երիտասարդներին, վստահում եւ աջակցում է նրանց բոլոր համարձակ նախաձեռնություններում:

Երիտասարդ IT-ականները քննարկեցին միասնական Վեբ ստանդարտների ստեղծման հարցը, կայքէջերի անվտանգության և պաշտպանվածության խնդիրներ, ինչպես նաև ծանոթացան միկրոպլան ձեռներեցության զարգացման ծրագրերին, որը ներկայացրեց (CAPS) ծրագրի բիզնես զագացման մասնագետ Մարինա Պողոսյանը: Նա նաև նախաձեռնեց երիտասարդ մասնագետների համար ձեռներեցության հմտությունների զարգացմանն ուղղված 4-օրյա արագացված դասընթաց, որն իրականացվեց (CAPS) ծրագրի գրասենյակում օգոստոսի 24- 27-ը:

ԻՏՁՄ նախագահ Կարեն Վարդանյանը, IT-ականների հետ մասնակցեց դասընթացին, վկայական ստանալիս գնահատեց. □Սա շատ կարևոր փորձառություն էր, և մենք խնդրելու ենք CAPS ծրագրին, որպեսզի այս դասընթացը դառնա շարունակական ու խորհուրդ ենք տալու, որ IT CLUB-ի մյուս անդամները նույնպես մասնակցեն: Դասընթացը իրական բիզնեսի գործնական մանրապատկերն է և խիստ ուսուցողական նշանակություն ունի: Հիմնական կարևորությունն այն է, որ սա հստակ ցույց է տալիս, մասնավոր ընկերությունների մրցակցության ընթացքում ինքնահոշոտման և համագործակցության տարբերությունը: Ակնհայտորեն համագործակցության պայմաններում բոլորի եկամուտները տասնյակ անգամ ավելի շատ են, քան ամենամեծ եկամուտը, որ կարող է  լինել ինքնահոշոտման ժամանակ: Բացի բիզնես հմտությունների ուսուցումը, այս դասընթացը կարեւոր է հենց այդ իմաստով»:

Դասընթացը կարևորվեց նաև որպես նորաստեղծ ընկերությունների ներկայացուցիչների համար գերազանց փորձառություն` բիզնեսի կազմակերպման հմտություններ ձեռք բերելու և տեղում դրանք գործնականում կիրառելու առումով:  

Մեկնարկեցին Զբոսաշրջության  եւ դեղագործության <<Ամառային դպրոցի>>  դասընթացները
Կրթության եւ բիզնեսի միջեւ անջրպետը վերացնելու համար

Գրեթե բոլոր ոլորտներում գործատուները դժգոհում են ԲՈւՀ-երի շրջանավարտների գիտելիքների եւ իրենց պահանջների անհամապատասխանությունից: Խնդիրն այն է, որ այսօրվա դինամիկ զարգացող աշխարհում կրթական ծրագրերը չեն թարմացվում այն արագությամբ, ինչ արագությամբ փոխվում են բիզնեսի պահանջները: Ուստի բարձրագույն կրթության բացերը դեղագործության եւ զբոսաշրջության ոլորտներում լրացնելու, ապա մասնագետներին գործնական գիտելիքներ տալու եւ միջազգային արդիական փորձը փոխանցելու նպատակով <<Մրցունակ մասնավոր հատված Հայաստանում>> (CAPS) ծրագրի և Հայաստանում Ամերիկյան Համալսարանի հատուկ դասընթացների ծրագրի նախաձեռնությամբ Ամերիկյան համալսարանում բացվեցին ամառային դասընթացներ` երկու ուղղություններով:

Զբոսաշրջության ոլորտի դասընթացներին մասնակցում են Եվրոպական տարածաշրջանային ակադեմիայի, Երևանի պետական հումանիտար քոլեջի, Երևանի Զբոսաշրջության, սպասարկման և սննդի արդյունաբերության հայ-հունական պետական քոլեջի, Ռուս-հայկական (Սլավոնական) համալսարանի, Երևանի պետական համալսարանի (ԵՊՀ), Վ. Բրյուսովի անվ. պետական լեզվաբանական համալսարանի երկրորդ, երրորդ և չորրորդ կուրսերի մոտ 40 ուսանող: Իսկ դեղագործության ոլորտն ուսումնասիրող 30 ուսանողները ներկայացնում են  Երեւանի Մ.Հերացու անվան պետական բժշկական համալսարանը, ԵՊՀ դեղագործական քիմիայի ֆակուլտետը, Մեհրաբյան բժշկական ինստիտուտը:

Դեղագործության <Ամառային դպրոցը> կազմակերպվում է առաջին անգամ` հենվելով զբոսաշրջության ոլորտի ուսանողներիի համար 2008 թվականից ի վեր իրականացվող դասընթացների հաջող արդյունքների վրա:
 
Դասընթացների մասնակիցները գիտելիքներ են ստանում իրենց ոլորտների ամենատարբեր սեգմենտների վերաբերյալ, քննարկում են առանձին մասնագիտությունների համար պահանջվող անհրա¬ժեշտ հմտություններն ու գիտելիքները, ծանոթանում են տվյալ բնագավառում բիզնեսի կազմակերպման եւ կառավարման միջազգային փորձին, ինչպես նաեւ սովորում են մշակել ռազմավարական հայեցակարգ, ձեւավորել աշխատանքային պլան եւ համագործակցել արտասահմանյան գործընկերների հետ:
 
Զբոսաշրջության ոլորտն ուսումնասիրող ուսանողներից մեկը դասընթացների կազմակերպիչներին հայտնել է իր գնահատականը. <Սա հրաշալի հնարավորություն է ինձ համար ոչ միայն նոր գիտելքիներ ձեռք բերելու, այլ նաեւ միջազգային լավագույն փորձին ծանոթանալու առումով, ինչը ինձ անհրաժեշտ է համալսարանից հետո լավ աշխատանք գտնելու համար>:

Դասընթացները վարում են CAPS ծրագրի մասնագետները եւ ոլորտների առաջատար ընկերությունների ղեկավարները:

<<Ամառային դպրոցները>> կավարտվեն հուլիսի 30-ին, եւ շրջանավարտները CAPS ծրագրի կողմից կստանան մասնակցության վկայականներ:
Այս նախաձեռնությունը նպատակ է հետապնդում նպաստել ուսանողների գիտելիքների խորացմանը, ոլորտների հիմնախնդիրների շուրջ իրազեկության բարձրացմանն ու կրթական հաստատությունների և մասնավոր հատվածի միջև սերտ համագործակցությանը: Բացի այդ, նախագիծը նույն ոլորտն ուսումնասիրող տարբեր կրթօջախների ուսանողների համար շփման հիանալի հնարավորություն է:  

CAPS-ի մասին

«Մրցունակ մասնավոր հատված Հայաստանում» ծրագիրը Ամերիկայի Միացյալ Նահանգների միջազգային զարգացման գործակալության (ԱՄՆ ՄԶԳ) կողմից ֆինանսավորվող հինգ տարվա աջակցության ծրագիր է: Ծրագիրը կիրառում է քլաստերային մոտեցում, որն ուղղված է գործարար միջավայրի բարելավմանը և կոնկրետ ոլորտում ձեռնարկությունների միջև համագործակցության խթանմանը:

Քլաստերի գաղափարն առանցքային է: Ոլորտների մեծ մասը բաղկացած է շահագրգիռ կողմերի տարբեր խմբերից, որոնցից են կառավարությունը` որպես առևտրային գործընթացները կարգավորող մարմին, կրթական հաստատությունները, որոնք մասնագետներ են պատրաստում, բիզնեսի զարգացման ծառայություններ մատուցողները, որոնք առաջարկում են խորհրդատվական և կառավարման այլ ծառայություններ և բուն ոլորտը` որպես հաճախորդներին ապրանքներ և ծառայություններ տրամադրող: Քլաստերի ստեղծման գործընթացը հիմնականում բոլոր շահագրգիռ կողմերի համախմբումն է ընդհանուր նպատակների իրականացման շուրջ, որոնք հիմնականում առնչվում են մարկետինգին և վարկանիշի ձևավորմանը, ոլորտում որակի ընդհանուր բարելավմանը, աշխատուժի ուսուցմանը և/կամ առավել նպաստավոր օրենսդրության ընդունմանը:  more

Հայտարարություններ

Լուրեր

28/07/2010

more