Իրականացնողներ

CAPS ծրագրի թիմը բաղկացած է բիզնեսի, ունակությունների զարգացման և կլաստերի մրցունակության բնագավառներում նշանակալի փորձ ունեցող բարձրակարգ փորձագետներից: Հայ և միջազգային արհեստավարժ մասնագետների հիմնական խմբից բացի, աշխատանքներում ընդգրկվում են նաև փորձագետներ տվյալ ոլորտից և կլաստերից:

Կոնսորցիումը ղեկավարում է «Նաթան Ասոշիէյթս ինկ.» ընկերությունը ենթակապալառու հանդիսացող «Ջ. Ի. Օստին Ասոշիեյթս»-ի և «Իմերջինգ մարքեթս գրուպ»-ի հետ միասին: Այս խումբը և նրա հայաստանյան հիմնական գործընկեր «Տնտեսություն և արժեքներ» հետազոտական կենտրոնը նշանակալի փորձ ունեն հաստատությունների ամրապնդման, մրցունակության և արտահանման աճի խթանման, մասնավոր ձեռնարկությունների զարգացմանն աջակցության և ռազմավարական գործարար միավորումների ստեղծման բնագավառներում:

«Նաթան Ասոշիեյթս  ինկ.»

«Նաթան Ասոշիեյթս»-ն առաջարկում է մասնագիտացված գիտելիքներ և փորձառություն տնտեսագիտության բնագավառում, ինչպես նաև նշանակալի ռեսուրսներ բարդ տնտեսական խնդիրների լուծմանն ուղղված միասնական մոտեցում կիրառելու համար: Աշխատանքն իրականացվում է` համաձայն մրցունակության, նորարարության և վարձատրության տնտեսական խթանների վերաբերյալ ընկերության ունեցած ընկալումների: Նախագահ Ջոն Ս. Բեյերի ղեկավարությամբ Նաթան Ասոշիեյթսի ավագ տնտեսագետներն ու ֆինանսական վերլուծաբանները ծառայություններ են առաջարկում հետևյալ բնագավառներում`  դատական գործընթացներ և կանոնակարգում, ենթակառուցվածքների պլանավորում և էկոնոմիկա, միջազգային էկոնոմիկա, ուսումնասիրությունների մշակում և հետազոտություններ, բիզնեսի վերլուծություն: Միացյալ Նահանգներում և ողջ աշխարհում պետական և մասնավոր հատվածների հաճախորդներին տրամադրվող ծառայությունները ներառում են`

•   Տնտեսության վրա հանրային քաղաքականության ազդեցության վերլուծություն,
•   Կարգավորիչ գործընթացներում տնտեսական խնդրիների վերլուծություն և փաստեր,
•   Փորձագիտական կարծիք պատասխանատվության և վնասների վերաբերյալ հակամրցակցային, ֆինանսական շուկաների, մտավոր սեփականության նկատմամբ խախտումների և առևտրային բնույթի գործերի դատավարության ասպարեզներում,
•   Ենթակառուցվածքի պլանավորման, քաղաքականության և ներդրումների ու  իրագործելիության վերլուծություն,
•     Մտավոր սեփականության իրավունքի ճանաչման և կիրարկման տնտեսական գնահատման ու օգուտների վերլուծություն,
•   Առևտրային քաղաքականության ոլորտում ունակությունների ընդլայնում և զարգացում

«Ջ. Ի. Օստին Ասոշիեյթս ինկ.»

«Ջ. Ի Օստին Ասոշիեյթս ինկ.»-ը (JOA) օժանդակում է բիզնեսի և կառավարության ղեկավարներին իրականացնել ռազմավարական փոփոխություններ տնտեսապես, սոցիալապես և բնապահպանության առումով կայուն, արագ զարգացման համար: «Ջ. Ի Օստին Ասոշիեյթս ինկ.»-ն ամենաժամանակակից բիզնես գործիքների, կառավարման մեթոդաբանությունների և վերլուծական մեթոդների տեղայնացման և դրանք զարգացող երկրների ու անցումային փուլում գտնվող տնտեությունների գործարար և քաղաքականության միջավայրերին համապատասխանեցման հայտնի առաջատարներից է: Ընկերությունը մասնագիտացած է մրցունակության, ռազմավարական պլանավորման, ագրոբիզնեսի, ներդրումների խթանման, ֆինանսական վերլուծությունների, ինստիտուցիոնալ հզորացման և գործարարության վրա հիմնված տնտեսական աճի խրախուսմանն առնչվող այլ բնագավառներում:

«Իմերջինգ մարքեթս գրուպ»

«Իմերջինգ մարքեթս գրուպ»-ը (EMG) միջազգային զարգացման խորհրդատվական ընկերություն է, որը ծառայություններ է մատուցում դոնոր կազմակերպություններին և կառավարություններին: Բրյուսելում, Լոնդոնում և Վաշինգտոնում տեղակայված մասնաճյուղերի և ողջ աշխարհում գործող ծրագրային գրասենյակների միջոցով ընկերության փորձագետներն իրենց պարտականությունն են համարում հաճախորդների գերազանց սպասարկման ապահովումը, կայուն զարգացման խթանումը և մարդկանց կյանքի բարելավումը: 

«Իմերջինգ մարքեթս գրուպ»-ը համաշխարհային մակարդակով տարբեր բնագավառներում մասնագիտացված ծառայություններ տրամադրող «Կարդնո Գրուպ» (The Cardno Group) կազմակերպության մասն է կազմում և զբաղվում է ֆիզիկական և հասարակական ենթակառույցների բարելավմամբ, ինչի վրա են հիմնվում համայնքները աշխարհի բոլոր երկրներում: «Կարդո Գրուպ» ընկերության հետ ինտեգրումն ամրապնդում է «Իմերջինգ մարքեթս գրուպ»-ի առաքելությունը, որն է` խթանել սոցիալական և տնտեսական զարգացումը ավելի լավ ապագա ունենալու համար:

Ֆինանսական, մասնավոր և պետական հատվածների զարգացման, ագրոբիզնեսի, առողջապահության և զբոսաշրջության բնագավառներում զարգացման վերաբերյալ խորհրդատվության մոտ 25 տարվա իր փորձով «Իմերջինգ մարքեթս գրուպ»-ը միացել է «Կարդո Գրուպ» ընկերությանը համատեղ ուժերով իրականացնելու համար մոտ 500 մլն ԱՄՆ դոլար բյուջեով տեխնիկական աջակցության ծրագրեր դոնոր կազմակերպությունների` ԱՄՆ ՄԶԳ-ի, Մեծ Բրիտանիայի Միջազգային զարգացման դեպարտամենտի (DFID), Եվրոպայի միջազգային զարգացման գործակալության (EuropeAID), Ավստրիայի միջազգային զարգացման գործակալության (AusAID), Համաշխարհային հիմնադրամի, Հազարամյակների մարտահրավեր կորպորացիայի, Ասիական զարգացման բանկի և Համաշխարհային բանկի հետ միասին:

<<Տնտեսություն և արժեքներ>> հետազոտական կենտրոն

<<Տնտեսություն և արժեքներ>> հետազոտական կենտրոնի (EVRC) նպատակն է նպաստել արժեքների վրա հիմնված մրցունակ Հայաստանի կայացմանը:  Կենտրոնի հիմնական գործունեությունն է խթանել մրցունակության վերաբերյալ թեմաների արծարծումը, ուսուցանել և ուղղորդել ղեկավարներին էթիկայի և ռազմավարության  հարցերում, ինչպես նաև բացահայտել զարգացման արժեքը և մշակութային հիմքերը: Կենտրոնը հիմնադրվել է 2004թ. մի խումբ ակադեմիկոսների և բիզնես խորհդատուների կողմից: Հիմնադրումից հետո կարճ ժամանակահատվածում կենտրոնին հաջողվել է իրականացնել մի քանի նորարարական ծրագրեր մրցունակության, հետազոտությունների և ուսուցման բնագավառներում: Միջազգային կապերի օգտագործման և հմուտ վերլուծաբանների ու խորհրդատուների ընտրյալ ցանցի միջոցով կենտրոնը ներկայացնում է զարգացման նոր սկզբունքներ և համախմբում է կրթական հաստատություններին ու բիզնեսներին բարենպաստ գործարար միջավայր ստեղծելու նպատակով: